A CIG desenvolveu unha acción conxunta para denunciar as condicións laborais de explotación que padecen os operarios/as que traballan na ampliación da ponte de Rande, obra pública que acomete a UTE Dragados-Puentes. Coa ocupación dun dos carrís en construción, a central quere poñer de manifesto que se están a facer xornadas de 10-12 horas a 60 metros de altura e a pleno sol por sete euros a hora, incluíndo todos os conceptos salariais, ademais da fraude á Seguridade Social e a Facenda que supón que non se computen todas as horas traballadas.

As federacións de Construción e de Industria, cos seus secretarios nacionais, Xosé Xoán Melón e Xoán Xosé Bouzas, Tupi, á cabeza, foron as encargadas de coordinar a toma simbólica das obras, na que participaron unhas 200 persoas, entre elas o secretario xeral da CIG, Paulo Carril, os secretarios comarcais de Vigo e Pontevedra, Alberto Gonçalves e Marcos Conde.

Na acción, que se desenvolveu na banda de Moaña e durou pouco máis dunha hora, tamén tomaron parte traballadores/as e delegados/as sindicais de Vigo, Pontevedra, A Coruña, Santiago, Ourense e Ferrol. Ao pouco de acceder a un dos carrís en construción, representantes da UTE formada por Dragados e Grupo Puentes puxéronse en contacto con responsábeis da CIG para fixar unha xuntanza na que analizar a problemática laboral que se vive nos traballos de ampliación da ponte de Rande, obra que depende do Ministerio de Fomento.

Está previsto que a reunión teña lugar a vindeira semana, e aínda que non se fixou unha data concreta a central propuxo que teña lugar o vindeiro martes. Nesa xuntanza a CIG porá enriba da mesa as condicións laborais dos operarios/as que traballan na ponte. En concreto, as xornadas excesivas de entre 10 e 12 horas nunhas condicións que supoñen un perigo para a súa integridade: nalgúns casos a 60 metros de altura e a pleno sol. “E todo isto con salarios de sete euros a hora, -incluíndo vacacións, indemnizacións, liquidacións e pagas extra-, moi por debaixo das táboas que marca o convenio colectivo”, denuncian. Ademais, advertirán sobre a importante fraude á Seguridade Social e a Facenda que se está a cometer. “Os soldos calcúlanse por horas a pesar de non estar permitido, e non se computan todas as horas que se fan”.

Cumprimento da legalidade

Neste senso, critican que tanto a Administración pública como a autoridade laboral son coñecedoras desta situación, “mais non toman medidas ao respecto”, polo que lamentan o desamparo que vive o persoal que está a realizar as obras dunha concesión pública e sinalan que debera ser un exemplo de cumprimento da legalidade, “pero é todo o contrario”.

Ao mesmo tempo, censuraron que ás compañías non lles importe ter aos empregados/as traballando tantas horas a 60 metros de altura “co risco que iso supón para a súa seguridade”. Ao que hai que sumar que o Ministerio de Fomento está a urxir para que as obras rematen canto antes. “Se teñen présa, en lugar de someter os operarios/as a xornadas tan excesivas o que teñen que facer é contratar máis persoal”.

Lembraron que nestas obras creouse una comisión de control das condicións laborais e dos horarios, unha figura que deu certos resultados na construción do hospital de Vigo, pero no caso da ponte de Rande “axiña se viu que non había boa fe por parte da empresa, que non ten interese en arranxar os problemas”.

E iso a pesar de que, tal e como sinalaron, as condicións de traballo dos arredor de 300 traballadores/as da UTE están cada vez máis deterioradas e precarizadas. Finalmente reclamaron a actuación da Inspección de Traballo, xa que aínda que a lei actual permite que os excesos de xornada se compensen con días libres nun prazo de catro meses, “o certo é que non se comproba, e en todo caso a compensación chegaría cos contratos xa finalizados”.

  • Mar Sánchez utiliza dinero público para pagar trabajos de "gestión reputacional" para mejorar su propia imagen y la del PPdeG publicada por Xornal Galicia.

    Xornal Galicia A Coruña Lugo Ourense Pontevedra Vigo Santiago Localidades[…]

    Mar Sánchez utiliza dinero público para pagar trabajos de "gestión reputacional" para mejorar su propia imagen y la del PPdeG publicada por Xornal Galicia. Mar Sánchez Sierra esta utilizando la Xunta de Galicia y sus recursos públicos en forma de publicidad por medio de terceros, en su personal guerra de "Gestión Reputacional" en paralelo a la querella criminal, con el ánimo de desprestigiar al Periodista Miguel Delgado y tapar a Xornal Galicia del éxito obtenido en las redes sociales en todo el Mundo, utilizando a la Sra Adela Dominguez Mariño, adjudicataria de jugosos convenios con la Secretaría de Medios publicados en sus webs, plagiando la denominiación de este diario digital y sus secciones de Xornal Galicia www.XornalGaliciaSur.com  www.XornalGaliciaNorte.com  a través de supuestos contratos publicitarios del coronavirus y ya intentado con la entidad Bap Conde anteriormente.María del Mar Sánchez Sierra utiliza el modus operandi de la " operación púnica de Alejandro de Pedro " de la Gestión reputacional para intentar destruir a Xornal Galicia. Pladesemapesga estudia presentar denuncia ante el juzgado de guardia.Las agencias de comunciación que contratan mediante una lista privada entregada por Mar[…]

esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi

  Guía de Empresas Españolas. Guía de Empresas Españolas      Noticias de empresas en Xornal Galicia...+. Noticias de empresas en Xornal Galicia...+     Guía de Empresas Españolas. Empresas o Personas en el BORME         Guía de Empresas Españolas.  Turismo de Galicia

Blogspot Agencia Noticias AI    -  Blogspot Xornal Galicia  -     Blogspot Pladesemapesga  -  Acceso Usuarios Registrados Acción y Transparencia Públicia. Aceso a Socios (+)  Acceso Usuarios Registrados Acción y Transparencia Públicia. Unirme desde la Web (+)    -  © Xornal Galcia, 2013 -  Síguenos en Google Noticias.+
banners

www.pladesemapesga.com  - www.actualidadiberica.com  - www.accionytransparenciapublica.com - www.xornalgalicia.com  - www.xornaldegalicia.es  - www.xornalgaliciasur.com  - www.xornalgalicianorte.com -  - www.diariomaritimo.com   - www.redacuicola.com www.redacuicultura.com 

Wayback Machine es un servicio y una base de datos que contiene copias de una gran cantidad de páginas o sitios de Internet. Si por alguna razón este sitio no está disponible momentáneamente o por orden judicial o ha sido borrado del servidor de origen, es posible consultar una réplica vía "Wayback machine".  Wikipedia- saber más.+

Este diario tiene copias de seguridad históricas desde el año 2002 almacenadas en www.web.archive.org  y en www.archive.is  Bajo licencia GNU para su libre consulta y disposición. Mapa web.+

  © Copyright R.L. 2012/016402 Nif G-70321807 Impreso D.L: C 47-2015 -Directiva Europea de Privacidad Legal UE.(+)