CIG-Saúde A Mariña vén de denunciar publicamente a intención da Xerencia e da Consellaría de Sanidade de pechar camas no Hospital da Costa durante o verán. Unha decisión que, advirten, carece de calquera xustificación técnica posíbel “e que tan só obedece a unha política sanitaria neoliberal do Partido Popular que busca o desmantelamento da sanidade pública na nosa comarca”.  
CIG-Saúde A Mariña denuncia que co peche de camas previsto para este verán, estanse a “vulnerar gravemente os dereitos dos/as doentes e os dereitos laborais dos/as profesionais das unidades previsiblemente afectadas, que soportan unha total incerteza, xa que a día de hoxe descoñecen o seu destino, a súa xornada, a súa quenda de traballo, o seu mes de vacacións, etc.”.
A decisión non foi comunicado de xeito formal á organización sindical maioritaria no centro mariñao, polo que se descoñece o total de camas que reducirán e a que unidades e profesionais afecta, a pesares de que a central sindical solicitou por escrito e con rexistro de entrada toda a información ao respecto, sen obter resposta a día de hoxe.
Dende a Federación da CIG afírmase que o peche de camas forma parte do conxunto de políticas que o PP está a pór en práctica para desmantelar o sistema sanitario público “en beneficio do gran capital e da medicina privada situada nas grandes cidades; unha ofensiva recentralizadora que afasta, en vez de achegar, a sanidade pública á cidadanía”.
Deterioro da calidade asistencial e aumento das listas de espera
O peche de camas no Hospital da Costa provocará un deterioro da saúde e o incremento das listas de espera cirúrxicas, de consultas e de realización de probas diagnósticas. “Pechar camas e diminuír a actividade non é nin de lonxe unha boa xestión, simplemente é unha medida dun mal xestor que vai privar de asistencia sanitaria programada durante o verán aos mariñaos e mariñás”, advirten.
Máis desemprego no sector sanitario
A maiores, dende a CIG-Saúde denúnciase que co peche de camas e a non substitución do persoal no período vacacional, “o Sergas está a incrementar o paro sanitario da nosa mocidade na comarca, condenando os/as aspirantes das listas de contratación ao drama do desemprego, tendo como consecuencia directa un impacto na economía real desta comarca, porque hai que lembrar que o Hospital da Costa é o segundo centro de emprego da Mariña”.
Por todo isto, a CIG-Saúde A Mariña “esixe á Xerenta Executiva do Hospital da Costa que non se peche ningunha cama e a contratación de persoal para ofrecer unha atención sanitaria de calidade e de proximidade tanto no Hospital da Costa como nos Centros de Saúde e PAC´s da nosa comarca.

¿Está tu hogar preparado para las lluvias?

  Ya nos encontramos en los días finales del invierno, eso...

Hartazgo, falta de soluciones, y los emigrantes invisibles

El hartazgo por los políticos es algo global. La ridiculización de...

6 consejos para comprar una vivienda con éxito

La compra de una nueva vivienda puede llegar a ser...

Falla Cooperación Judicial Internacional entre el Perú y España por César Acuña entre Fiscalías

Dr. (PhD) Miguel Gallardo PERITO Tel.  (+34) 902998352 E-mail: apedanica.ong@gmail.com Asociación...

Una modesta proposición (no de ley). Estreno en Lagrada 31.1.2020

Una modesta proposición (no de ley). Estreno en Lagrada 31.1.2020  RESEÑA...

Comparadores y Simuladores de Hipoteca

Según los datos que nos llegan desde el INE, ya...

Tu dieta necesita apoyo de Meritene para cubrir necesidades nutricionales

Llevar una dieta balanceada es una de las principales bases...

La ley hipotecaria vuelve a afectar a la firma de nuevos contratos

La contratación de hipotecas ha seguido bajando durante estos últimos...

César Acuña delega en Luis Valdez atacar al Dr. Miguel Gallardo

Dr. (PhD) Miguel Gallardo PERITO Tel.  (+34) 902998352 E-mail: apedanica.ong@gmail.com Asociación...

Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi