A representación sindical estuda medidas de protestas pola reforma da lei de medios públicos agochada na lei de Acompañamento que se aprobará o vindeiro día 22 de decembro

 

Bando-San Marcos Santiago de Compostela, a 2 de decembro de 2015.

                                                                    

          O Comité Inter-centros da Compañía de Radio-Televisión de Galicia rexeita que o Partido Popular de Galicia fixese valer a súa maioría parlamentaria para aprobar en terceira votación o Mandato Marco para a CRTVG, eludindo dese xeito o espírito negociador que emana da lei 9/2011 de medios públicos de comunicación audiovisual de Galicia para establecer o modelo de Radio e Televisión de titularidade pública.

          Para a representación sindical, o texto do Mandato Marco non ofrece garantías abondo para a prestación dun servizo público de calidade, xa que non establece medidas para asegurar a pluralidade e imparcialidade dos servizos informativos e tampouco senta as bases dun modelo de medios con contidos que permitan satisfacer a súa encomenda de divulgación da lingua e a cultura galegas para o conxunto da sociedade.

          O Comité Inter-centros da CRTVG considera que o articulado do Mandato Marco súmase a outras medidas que poñen en risco o carácter público e plural do medio, como o pacto entre o PPdeG e o PSdeG para acaparar os seis membros do renovado Consello de Administración da futura Corporación -deixando fóra a outros grupos con representación parlamentaria- ou a modificación da lei 9/2011 para permitir que o actual Director Xeral permaneza no cargo ata que o Parlamento consiga aprobar por maioría cualificada un novo candidato ou candidata.

          Os representantes dos traballadores e traballadoras da CRTVG veñen denunciando desde hai varias semanas a reforma da lei 9/2011, de 9 de novembro, dos medios públicos de comunicación audiovisual de Galicia que o PPdeG introduciu na lei de Acompañamento ao proxecto de lei de Orzamentos para o ano 2016 e que consideran un xeito de perpetuar a política de privatización da produción propia, a manipulación dos servizos informativos, e os permanentes recortes e perda de dereitos laborais promovida pola xestión do actual titular no cargo, Alfonso Sánchez Izquierdo.

          O comité condena a disposición derradeira cuarta da lei de Acompañamento que modifica a lei de medios públicos galega, que establecía na súa disposición transitoria terceira que tanto o Consello de Administración como o Director xeral quedarían en funcións ata “o nomeamento dos órganos de dirección da Corporación RTVG”. O novo texto establece agora que tanto o Consello como o máximo responsable da Compañía quedarán ata que “se inicie pola Corporación RTVG a súa prestación do servizo público”, o que ao entender dos sindicatos é un xeito de vulnerar o principio democrático que motivou o modelo de elección do director xeral na lei 9/2011, é dicir, a través dunha maioría cualificada de dous terzos en primeira votación e tres quintos nunha segunda, é dicir, a través de pactos previos que obriguen a un consenso entre distintas forzas políticas.

          Igualmente, o texto reformado establece que se no momento de constituírse definitivamente a Corporación RTVG non hai un acordo e o Parlamento de Galicia non elixiu un novo director ou directora, o actual titular no cargo permanecerá transitoriamente no exercicio das súas funcións, o que consideramos un obstáculo calculado contra a renovación democrática do Director Xeral.

          Os sindicatos denuncian que esta reforma provocará, intencionadamente, unha situación de permanente bloqueo na elección democrática do Director Xeral da nova Corporación, mesmo na hipotética situación de que, tralas eleccións autonómicas, mude a composición parlamentaria en Galicia e o goberno da Xunta, permitirá a continuidade dunha xestión que consideran privatizadora, cunha programación de dubidosa calidade e un grao de manipulación informativa inadmisible.

          O Comité Intercentros lembra que durante a tramitación da lei 9/2011 de medios públicos de comunicación audiovisual de Galicia a representación sindical advertiu de que o texto da norma non era suficientemente garantista nin compatible co servizo público esencial polo que, ademais de facerlle chegar achegas aos grupos parlamentarios antes da súa aprobación –que foron rexeitadas- , convocou numerosos actos de protesta, manifestacións e folgas para forzar a súa mellora. Porén –advirten os sindicatos- un dos poucos aspectos cos que traballadores e a propia sociedade se manifestaron de acordo, que é a elección democrática do Director Xeral, queda agora anulada a través da reforma da lei que, segundo aseguran, se fai sen unha negociación previa parlamentaria e agochada noutra norma nun acto que consideran contrario a calquera vontade de rexeneración democrática.

          Ante esta sucesión de medidas -aprobación unilateral do Mandato Marco, falta de pluralidade no Consello de Administración e perpetuación do actual Director Xeral- que o Comité Inter-centros cualifica como contraria a calquera vontade de rexeneración democrática, o Comité Inter-Centros estuda convocar accións de protesta para o día 22 de decembro, cando está prevista a aprobación da lei de Acompañamento que consolida a Sánchez Izquierdo de xeito indefinido na dirección da futura Corporación.{jcomments on}

CITA CON EL RECUERDO PARA VOLVER AL PASADO

Por José Antonio Sierra CITA CON EL RECUERDO es un...

La compañía eléctrica que merecemos para nuestro hogar y negocio

La correcta gestión de los recursos que disfrutamos a diario...

¿Cuáles son los servicios que están más en auge en internet?

Trabajar con especialistas es indispensable en todas las áreas de...

Proponen que el Aula de Mayores de la UMA también vaya a La Térmica

El Consejo Social de la Universidad y las federaciones Cívilis...

La Unión de Guardias Civiles –UniónGC– denuncia a los CDR.

 JOSÉ PIÑEIRO GONZÁLEZ  - 13 Nov 2019 - 08:59 CEST Archivado en: Gobierno | Política   La organización profesional también...

5 alternativas al amigo invisible para jugar en la oficina

 Se acercan las Navidades y, con ellas, la época de...

Tienen un plan contra España.

05 Nov 2019 - 20:18 CEST   Archivado en: Partidos Políticos | Política   Nacionalistas, comunistas y bastantes socialistas...

«Si tu mal tiene remedio, ¿por qué te afliges? Y si no lo tiene, ¿por qué te afliges?» No os aflijáis en vano. AUGC Vale…

JOSÉ PIÑEIRO GONZÁLEZ  - 05 Nov 2019 - 19:38 CEST   Florencio Garrido , tercero por...

Suspensión de la Elecciones Generales del 10-N en España

D. Pedro Sánchez Presidente del Gobierno y   Secretario General PSOE   Sr.D. Pablo...

Otros articulos relacionados.....
esafsqarhyazeubebgcazh-CNzh-TWhrcsdanlenettlfifrglkadeelhtiwhihuisidgaitjakolvltmkmsmtnofaplptrorusrskslswsvthtrukurvicyyi